У гэты дзень 31 год таму Беларусь стала незалежнай
25 жніўня 1991 набыла законную сілу Дэкларацыя аб дзяржаўным суверэнітэце.
25.08.2022 / 08:28
Валянцін Голубеў, Зянон Пазняк і Вольга Галубовіч у першы дзень сесіі
Дэкларацыя, якая абвясціла вяршэнства беларускай Канстытуцыі на тэрыторыі БССР, была прынятая Вярхоўным Саветам годам раней, 27 ліпеня 1990-га.
А вось статус закона дакумент атрымаў 25 жніўня 1991 года праз тры дні пасля правалу путчу ГКЧП у Маскве. Тады ж на тэрыторыі рэспублікі была спыненая дзейнасць Кампартыі.
19 верасня 1991 года краіна стала называцца Рэспубліка Беларусь, а бела-чырвона-белы сцяг і герб «Пагоня» сталі дзяржаўнымі сімваламі.