Абнавілі карту забарон на наведванне лясоў
Мінлясгас абнавіў карту забаронаў і абмежаванняў на наведванне лясоў. Для наведвання застаюцца адкрытымі цяпер толькі ўсе лясы Віцебскай вобласці і ўсходу ды захаду Магілёўшчыны.
21.08.2022 / 20:10
Зялёны колер на карце азначае, што наведванне лясоў дазволенае без абмежаванняў.
Жоўты — абмежаванае наведванне асобных участкаў (больш падрабязную інфармацыю можна ўдакладніць у райвыканкамах).
Чырвоны — наведванне лясоў часова забароненае ва ўсім рэгіёне.
Важна адзначыць, што забарона на наведванне лясоў у некаторых раёнах Гомельскай вобласці трымаецца пачынаючы з вясны, калі гэтыя тэрыторыі выкарыстоўваліся ў якасці плацдарму для нападу Расіі на Украіну. Ёсць падставы меркаваць, што гэтая забарона звязаная не з умовамі надвор'я і пажарнай небяспекай, а з тым, што ў мясцовых лясах расійскія вайскоўцы пакінулі шмат выбуховых прылад.