U Śvisłačy prajšoŭ «karavaj-fest» «Baćkava bułka»
Nazva mierapryjemstvu dadzienaja ŭ honar Łukašenki.
21.08.2022 / 19:43
«Aficyjnaja častka pačałasia z pytańnia: «Čamu śviata nazyvajecca «Baćkava bułka?». A voś i adkaz: U minułym hodzie ź vizitam na Śvisłaččynie pabyvaŭ Alaksandr Łukašenka. Tady jon naviedaŭ śvisłackuju chlebapiakarniu, pačastavaŭsia mučnymi vyrabami i pachvaliŭ ich, skazaŭšy, što heta vielmi smačny chleb. I pajšło — baćkava bułka!» — paviedamlaje śvisłackaja rajonka.
U mierapryjemstvie pryniało ŭdzieł niamała čynoŭnikaŭ siaredniaha źviana.
Sa sceny hučała mnoha piesień i muzyki, vystupiŭ hurt «Drazdy». Jak paviedamlajecca, śpiecyjalna na karavaj-fest vykanaŭcy skłali pieśniu «Matčyna łaska, baćkava bułka — vodar ajčyny».