Z-za rekordnaj śpioki Dunaj tak abmialeŭ, što stali bačnyja karabli, jakija patanuli ŭ Druhuju suśvietnuju FOTA
U vyniku rezkaha padzieńnia ŭzroŭniu vady ŭ Dunai, jaki staŭ nastupstvam najbujniejšaj za apošnija hady zasuchi ŭ Jeŭropie, niepadalok ad račnoha porta Prachava ŭ Sierbii na pavierchni pakazalisia karkasy zatanułych padčas Druhoj suśvietnaj vajny niamieckich vajskovych sudnaŭ.
20.08.2022 / 10:53
Dziasiatki sudnaŭ nacysckaj Hiermanii zatanuli abo byli patoplenyja ŭ Dunai ŭ 1944 hodzie. Heta byli reštki hiermanskaha Čarnamorskaha fłotu, jaki nacysty sprabavali vyvieści praz Dunaj paśla taho, jak savieckija vojski ŭziali pad kantrol čarnamorskija party.
Usiaho ŭ rajonie Prachava zaraz bačnyja bolš za 20 karkasaŭ niamieckich sudnaŭ. Jak samo abmialeńnie raki, tak i pahrozy vybuchaŭ (na karablach moža być vybuchoŭka) stvarajuć pieraškody dla sudnachodstva. Ciapier dastupny farvatar skaraciŭsia ŭ rajonie Prachava da 100 mietraŭ, u zvyčajnyja časy jon amal u 2 razy šyrejšy.