Na «sudach» u «DNR» anansujecca prysutnaść naziralnikaŭ ź Biełarusi
U samaabvieščanaj «DNR» abiacajuć prysutnaść naziralnikaŭ ź Biełarusi, Siryi i Rasiei na «sudzie» nad zamiežnymi dobraachvotnikami, jakija vajavali na baku Ukrainy. Pra heta ŭ efiry telekanała «Rasija 1» zajaviŭ kiraŭnik hetaha ŭtvareńnia Dzianis Pušylin.
19.08.2022 / 23:27
Dzianis Pušylin
Kali vieryć Pušylinu, biełaruski režym pacvierdziŭ hatoŭnaść dasłać svaich naziralnikaŭ, choć aficyjna sieparatysckija ŭtvareńni na terytoryi Ukrainy pakul i nie pryznaŭ.
Pušylin adznačyŭ, što pieršaje pasiadžeńnie «suda» nad hrupaj vajskoŭcaŭ z zamiežnym hramadzianstvam u «DNR» adbyłosia 15 žniŭnia. Sudzili piać čałaviek — hramadzian Charvatyi, Šviejcaryi, Vialikabrytanii.
Nie vyklučana, što hetych ludziej rasstralajuć jak najomnikaŭ, choć usie zamiežnyja hramadzianie i asoby biez hramadzianstva, jakija ŭdzielničajuć u vajnie na baku Ukrainy, aficyjna pryniatyja na vajskovuju słužbu i pavinny pavodle mižnarodnaha prava mieć pravy vajennapałonnych. Ale mižnarodnaje prava nie maje nijakaha značeńnia navat dla pryznanych dziaržaŭ, jak Rasija i Biełaruś, nie kažučy pra samaabvieščanyja ŭtvareńni.