Zatrymali mužčynu, jaki 9 žniŭnia nibyta zapuściŭ u Minsku salut
Praŭładny telehram-kanał apublikavaŭ videa z zatrymanym minčukom, jaki nibyta zapuściŭ salut u honar hadaviny sfalsifikavanych vybaraŭ 9 žniŭnia, paviedamlaje «Viasna».
19.08.2022 / 21:51
Aŭtary siužetu śćviardžajuć, što minčuka kličuć Dzianis Ramančuk i što razam ź im zatrymali jahonuju žonku. Na «pakajalnym» videa Ramančuk kaža, što 9 žniŭnia ŭ 23.34 zapuściŭ salut na vulicy Šuhajeva ŭ Minsku. Heta zdymała jaho žonka, a kadry para nibyta prapanavała apublikavać niekalkim telehram-kanałam.
Heta nie pieršy vypadak zatrymańnia z-za salutaŭ — za fiejervierk u navahodniuju noč byli zatrymanyja žychary stalicy Alena i Mikałaj Hajeŭskija. Vynikam staŭ aryšt Mikałaja na 15 sutak, a Aleny — na 13 sutak.