Prem’jerka Finlandyi Sana Maryn zdała test na narkotyki
Paśla skandału z videa apazicyjnyja palityki pačali patrabavać, kab jana prajšła test. Nahodaj dla hetaha stała nieadnarazovaje ŭžyvańnie słova jauhojengi («mučnaja banda»).
19.08.2022 / 20:39
Maryn nastojvaje, što ničoha, akramia lohkaha ałkaholu, jana nie ŭžyvała na viečaryncy, videa ź jakoj trapiła ŭ sieciva, i što svaje pavodziny zahannymi nie ličyć. Čynoŭnica padkreślivaje, što jana maje prava na pryvatnaje žyćcio, jak i luby hramadzianin.
«Dla majoj ułasnaj abarony, chacia ja liču patrabavańnie nieabhruntavanym, kab ačyścicca ad padazreńniaŭ, ja siońnia prajšła test na narkotyki… Chacieła b ja, kab my žyli ŭ hramadstvie, dzie majmu słovu možna było daviarać», — zajaviła jana žurnalistam.