«Hazpram» druhi raz za leta spynić prapampoŭku pa «Paŭnočnym patoku», ceny na haz rastuć
«Hazpram» druhi raz z pačatku leta spynić prapampoŭku hazu ŭ Jeŭropu pa trubapravodzie «Paŭnočny patok». Jak paviedamiła kampanija ŭ piatnicu, hazapravod mahutnaściu 55 młrd kubamietraŭ u hod 31 žniŭnia znoŭ spynić pracu dla prafiłaktyki.
19.08.2022 / 19:24
Płanavaje techabsłuhoŭvańnie, pavodle zajavy «Hazprama», spatrebiłasia apošniaj turbinie Siemens, jakaja ŭstalavanaja na kampresarnaj stancyi «Partovaja» pablizu miažy ź Finlandyjaj. Prapampoŭka hazu spynicca na try dni i adnovicca 3 vieraśnia.
U lipieni «Hazpram» spyniaŭ «Paŭnočny patok» na dva tydni ŭ ramkach štohadovaha płanavaha absłuhoŭvańnia.
Ceny na haz tym časam vyraśli vyšej za 2700 dalaraŭ za tysiaču kubičnych mietraŭ.