Maci zahinułaha kalinoŭca pryjechała na prysiahu navabrancaŭ
«Chłopčyki, ja zyču vam, kab vy ŭsie viarnulisia ŭ Biełaruś z pieramohaj!» — źviarnułasia da bajcoŭ Pałka Kalinoŭskaha maci Paŭła «Vołata».
14.08.2022 / 15:15
Kamandzir roty raźviedki Pavieł «Vołat», jaki stajaŭ la vytokaŭ utvareńnia pałka Kalinoŭskaha, i zahinuŭ 15 maja padčas vykanańnia bajavoj zadačy na poŭdni Ukrainy, rašeńniem Hałoŭnaha ŭpraŭleńnia raźviedki Ministerstva abarony Ukrainy pradstaŭleny da miedala «Ukraїna ponad usie!» (paśmiarotna).
U pałku Kalinoŭskaha praviali voinski rytuał pieradačy ŭznaharody zahinułaha kamandzira. Miedal Paŭła «Vołata» byŭ pieradadzieny jaho maci Natałli.
U hety dzień navabrancy Pałka Kalinoŭskaha prynieśli ŭračystuju prysiahu na viernaść Biełarusi i paklalisia bicca za jaje svabodu i niezaležnaść.