Святары трох канфесій урачыста закруцілі слоік памідораў. Як у Іўі прайшло мясцовае свята «Іўеўскі памідор». ФОТА
У Іўі Гродзенскай вобласці 13 жніўня прайшло гарадское свята «Іўеўскі памідор», распавядае «Іўеўскі край».
13.08.2022 / 21:23
Па вуліцах горада прайшоў карнавал, адбыўся конкурс на самае хуткае паяданне памідораў, зрабілі самы вялікі бутэрброд, памераліся ўраджаем, пабіліся памідорамі.
А потым чыноўнікі закруцілі першы слоік іўеўскіх памідораў ураджаю 2022 года. Права зрабіць гэта было «прадстаўлена» старшыні райвыканкама, міністру прыроды і дэпутату парламента.
Фота: Д. Зянкевіч
Фота: Д. Зянкевіч
А каб замацаваць вынік, закаталі «сяброўскую банку» святары трох канфесій.
Свята прыдумалі ў 2015 годзе.