Spravu viciebskaj žurnalistki Taćciany Maćviejevaj nakiravali na dapracoŭku
Siońnia mieŭ prajści sud nad zatrymanaj byłoj žurnalistkaj «Tutbaja».
09.08.2022 / 14:54
Pavodle składalnika administracyjnaha pratakoła, supracoŭnika Kastryčnickaha RAUS Uładzisłava Šyškaŭca, žurnalistka biez dazvołu rajvykankama raźmiaściła na svajoj staroncy ŭ Fejsbuku fotazdymak ź bieła-čyrvona-biełym ściaham, čym «vykazała svaju hramadska-palityčnuju pazicyju».
Taćciana Maćviejeva paprasiła sud, kab spravu suprać jaje spynili, bo jana nie zhodnaja z abvinavačańniem.
Ale suddzia Uładzimir Carykaŭ skončyŭ praces pastanovaj pra viartańnie materyjałaŭ u milicyju dla vypraŭleńnia chib: składalnik pratakoła pamyliŭsia ź miescam naradžeńnia žurnalistki i nie ŭkazaŭ, jakoje kankretna pałažeńnie zakanadaŭstva jana parušyła.
Maćviejevu zatrymali 29 lipienia, ale 31 lipienia jana była vypuščanaja da suda.