Vieranika Capkała: Kali ŚMI buduć niedastatkova aśviatlać usich palitykaŭ, zapatrabujem spynić ich finansavańnie
U kułuarach kanfierencyi «Novaja Biełaruś» ŭ Vilni Vieranika Capkała zajaviła žurnalistu «Našaj Nivy», što ŭ ciapierašni momant hrupa aktyvistaŭ, blizkaja da štabu Capkały, robić kantent-analiz biełarusich niedziaržaŭnych ŚMI na pradmiet zhadak roznych palityčnych sił.
08.08.2022 / 16:40
Kali akažacca, kaža Vieranika, što ŭ asobnym ŚMI daminuje pazicyja tolki adnoj palityčnaj płyni, to jana źbirajecca napisać listy da kiraŭnikoŭ zachodnich dziaržaŭ i fondaŭ z patrabavańniem spynić finansavańnie i padtrymku hetaha ŚMI.
Niedziaržaŭnyja ŚMI jana nazyvaje «hetak zvanymi niezaležnymi» — joj nie padabajecca, što pra dziejnaść jaje muža i jaje samoj mała pišuć.
Na pytańnie, što rabić, jana skazała, što prapanuje stvaryć kamitet kantrolu nad ŚMI.