Наведванне лясоў абмежавалі ў большасці раёнаў Беларусі
Забароны і абмежаванні на наведванне лясоў уведзены ў 62 раёнах Беларусі. Аб гэтым паведамляецца на сайце Міністэрства лясной гаспадаркі.
05.08.2022 / 14:07
Абмежаванні ўводзяцца з-за моцнай спёкі. Яны закранулі чатыры вобласці. Гродзенская «закрыта» цалкам, Мінская — амаль уся, за выключэннем Стаўбцоўскага, Лагойскага і Мядзельскага раёнаў.
У Брэсцкай вобласці пад абмежаванні трапілі дзесяць раёнаў. На Гомельшчыне адкрыты для наведвання лясы Гомельскага, Светлагорскага, Буда-Кашалёўскага, Веткаўскага і Добрушскага раёнаў.
У Магілёўскай і Віцебскай абласцях лесу пакуль што можна наведваць свабодна.