Dyzajnierka raspracavała školnuju formu ŭ nacyjanalnym styli
Majstrycha i madeljerka Alena Markoŭka, uładalnica majsterni vyšyvanak i nacyjanalnaj vopratki Elen Carotte, raspracavała liniejku školnaj formy ŭ nacyjanalnym styli, piša Budzma.org.
04.08.2022 / 21:17
Majsternia Elen Carotte pradstaŭlaje novy varyjant školnaj formy na asnovie nacyjanalnych tradycyj. Heta dazvalaje zachavać unifikavanaść źniešniaha vyhladu vučniaŭ, ale pry hetym dać mahčymaść kožnamu kłasu abo kožnamu dziciaci ŭ kłasie mieć indyvidualnuju admietnaść. Forma ŭ nacyjanalnym styli sadziejničaje vychavańniu ŭ vučniaŭ pavahi i honaru za svaju škołu, dyscyplinavanaści, pryvivaje pačućcio tavarystva i hodnaści.
Kanstruktyŭnaj asablivaściu formy ad Elen Carotte z’iaŭlajecca sistema «forma raście razam z dziciem». Hety efiekt daje mahčymaść rehulavać formu ŭ haryzantalnym (pa pamiery) i viertykalnym (pa roście) napramkach. Takim čynam dasiahajecca vydatnaja pasadka pa fihury na kožnaha vučnia, a taksama ŭličvajucca ŭzrostavyja asablivaści dziaciej i padletkaŭ, jakija rastuć nieraŭnamierna.
Jakasnyja materyjały i vysokija standarty vykanańnia, pryniatyja ŭ Elen Carotte, dazvalajuć vykarystoŭvać formu na praciahu niekalkich hadoŭ. Heta daje mahčymaść minimizavać biudžetnyja zatraty baćkoŭ.
Na zdymku pradstaŭlenyja varyjanty formy dla dziaŭčynak, formu dla chłopčykaŭ taksama možna raspracavać pry peŭnym zapycie. Košty i madeli abhavorvajucca indyvidualna ŭ zaležnaści ad zamovy.
Forma adšyvajecca indyvidualna. Siaredni košt za poŭnuju formu — spadnička/portki, kamizelka, kašula z mašynnaj vyšyŭkaj — kala 150 rubloŭ. Zamović formu možna praz sajt kroplia.by ci aficyjnuju staronku Elen Carotte.