U Siańnie mužčyna padumaŭ, što jaho abakraŭ kot. Akazałasia, zvyčajny złodziej
Žychar Sieńnienskaha rajona, viarnuŭšysia dachaty paśla pracy, zachacieŭ papić čaju z cukierkami. Nie vyjaviŭšy ich na miescy, mužčyna padumaŭ, što da hetaha moža być datyčny kot, ale tut ža ŭspomniŭ, što pierad vychadam asabista vypravadziŭ žyviołu na vulicu, paviedamlaje vitbichi.by
04.08.2022 / 12:01
Adkinuŭšy mistyku i azirnuŭšysia pa bakach, viaskoviec zaŭvažyŭ, što ŭ domie nie chapaje jašče siaho-taho, u tym liku mabilnych telefonaŭ. Mužčyna nieadkładna nabraŭ «102».
Pryjechała śledča-apieratyŭnaja hrupa sa śpiecyjalistam Tałačynskaha MRA Dziaržaŭnaha kamiteta sudovych ekśpiertyz, jaki vyjaviŭ ślady palcaŭ ruk.
Chutka było ŭstanoŭlenaje supadzieńnie z adbitkami raniej sudzimaha za kradziež žychara susiedniaj vioski.
Padazravany byŭ zatrymany. Zaviedzienaja kryminalnaja sprava.