U Akademii MUS 200 abituryjentaŭ akazalisia za miežami prachadnych bałaŭ
Pa słovach ministra adukacyi, niedabor u VNU Biełarusi skłaŭ usiaho 214 miescaŭ (mienš za 1 %), płan pa nabory ŭ siłavyja VNU vykanany.
04.08.2022 / 08:25
«Kali havaryć pra našych abituryjentaŭ, to chacieŭ by adznačyć, što ŭ hetym hodzie kolkaść biudžetnych miescaŭ u našy ŭstanovy vyšejšaj adukacyi skłała praktyčna 28000. Kali kazać pra niedabor, jon skłaŭ usiaho 214 miescaŭ. Heta śviedčyć pra toje, što heta mienš čym 1% ad usich miescaŭ. Usie našy VNU siłavoha błoka ŭ poŭnym abjomie vykanali pryjom našych abituryjentaŭ», — raspavioŭ ministr.
Jon taksama adznačyŭ, što ŭ takija VNU prychodziać ludzi zusim nie vypadkova: «Heta ludzi matyvavanyja i padrychtavanyja, da jakich pradjaŭlajucca vielmi surjoznyja patrabavańni».
U Akademii MUS bolš za 200 čałaviek abituryjentaŭ zastalisia za rysaj prachadnych bałaŭ. Adnak ministr skazaŭ, što heta toj rezierv, jaki moža być vykarystany pry pastupleńni ŭ nastupnym hodzie.