U Baranavičach prachodziać pieratrusy ŭ raniej asudžanych za abrazu zahinułaha vysokapastaŭlenaha milicyjanta
Jak niadaŭna stała viadoma «Našaj Nivie», načalnik adzieła achovy pravaparadku milicyi hramadskaj biaśpieki Baranavickaha HAUS Alaksiej Hiećman, adzin z hałoŭnych vykanaŭcaŭ palityčnych represij u Baranavičach, padčas adpačynku złamaŭ šyju, skočyŭšy ŭ vadu, lažaŭ niejki čas paralizavany, a ŭ vyniku pamior. Paśla zjaŭleńnia hetaj naviny niekatoryja ludzi rezka vykazalisia z hetaj nahody ŭ sacsietkach, za što byli zatrymanyja i asudžanyja. Ciapier pravaabaroncy paviedamlajuć, što ŭ raniej asudžanych znoŭ prachodziać pieratrusy.
31.07.2022 / 17:38
Alaksiej Hiećman — u centry
Jak paviedamlajuć miascovyja žychary, navinu pra śmierć Hiećmana aktyŭna kamientavali ŭ miascovych čatach. Vierahodna, siłaviki praviarajuć, ci nie pakidali z hetaj nahody «niapravilnych» kamientaryjaŭ ludzi, jakich raniej užo asudzili za abrazu milicyjanta.
Paśla pieratrusaŭ ludziej zavieźli ŭ milicyju, ale potym adpuścili.
Taksama viadoma, što ŭ horadzie apošnija dni adbyvajucca i inšyja «palityčnyja» pieratrusy ŭ miascovych žycharoŭ.