U vyniku načnoha abstrełu Mikałajeva zahinuŭ adzin z samych bahatych ludziej Ukrainy
Hieroj Ukrainy i ŭładalnik adnoj z najbujniejšych ahrarnych kampanij Ukrainy «Nibułon» Alaksiej Vadaturski i jaho žonka zahinuli ŭ śnie. U ich dom papała rasijskaja rakieta.
31.07.2022 / 12:24
Vadaturskamu było 74 hady. U 2021 hodzie Forbes Ukraina aceńvaŭ jaho bahaccie ŭ 430 miljonaŭ dalaraŭ. Jon uvachodziŭ u top-100 najbahaciejšych ukraincaŭ.
Mikałajeŭ štonočy niekalki razoŭ abstrelvajuć z rakietnych sistem załpavaha ahniu. Rasijskija RSZA «Tarnada» dalnabojnyja (da 120 km), tamu dabivajuć da Mikałajeva z-pad Chiersona, ale niedakładnyja. Pry stralbie na 120 km raśsiejvańnie snaradaŭ u najlepšym vypadku składaje 360 mietraŭ, a ŭ realnaści našmat bolš.
Siońnia ŭnačy abstreł Mikałajeva byŭ asabliva mocny. Razburanyja dźvie ŭstanovy adukacyi i šmat pryvatnych damoŭ, paviedamiła kiraŭnictva vobłaści.