Siłaviki zatrymali supracoŭnicu EPAM, jakaja viarnułasia z Litvy
Praŭładnyja telehram-kanały paviedamlajuć, što dziaŭčyna była aktyŭnaj udzielnicaj pratestaŭ u 2020 hodzie i ŭ kancy taho ž hoda pierajechała ŭ Litvu.
23.07.2022 / 13:55
Praz dva hady jana vyrašyła pryjechać u Biełaruś da siabroŭki, dzie i była zatrymana.
Siłaviki apublikavali videa, dzie jana «pryznajecca» va ŭdziele ŭ pratestach i pierakryćci ruchu transpartu — typovaje apraŭdańnie łukašystaŭ dla niezakonnaha palityčnaha pieraśledu.
Pa infarmacyi pravaabaroncaŭ, heta Kaciaryna Hlinskaja. Jana była zatrymanaja razam z siastroj Jułijaj niekalki dzion tamu ŭ Minsku. Zatrymańnie rabiŭ HUBAZiK, dziaŭčat schapili, kali jany išli da svajho aŭtamabila. Zatym u kvatery zrabili pieratrus.
Viadoma, što Kaciaryna prachodzić fihurantam pa kryminalnaj spravie. Jaje ž siastry Julii sud u čacvier, pavodle niepacvierdžanaj infarmacyi, pryznačyŭ 15 sutak aryštu — pakul niezrazumieła za što.