Jeŭrasajuz u apošni momant zabłakavaŭ prapanovu ab sankcyjach suprać rasijskaj kampanii, jakaja pastaŭlaje tytan
ES u apošni momant zabłakavaŭ prapanovu ab uviadzieńni sankcyj suprać rasijskaj mietałurhičnaj kampanii «VSMPO-Avisma». Pra heta piša The Wall Street Journal sa spasyłkaj na dypłamataŭ ES.
21.07.2022 / 23:01
Fota: vsmpo.ru
Heta zdaryłasia paśla taho, jak Francyja i inšyja krainy — členy błoka vykazali zaściarohi z-za mahčymaj zabarony ŭ adkaz z boku Rasii na ekspart tytanu ŭ ES.
Kampanija «VSMPO-Avisma» — najvažniejšy pastaŭščyk tytanu dla adnoj z najbujniejšych avijabudaŭničych kampanij u śviecie Airbus SE.
U kampanii Airbus, štab-kvatera jakoj znachodzicca ŭ Francyi, pracuje vialikaja kolkaść supracoŭnikaŭ pa ŭsioj Jeŭropie. Jana publična zaklikała ES ustrymacca ad zabarony rasijskich prodažaŭ tytanu.