Jeŭrasajuz pryniaŭ novyja sankcyi suprać Rasii
Rada Jeŭrapiejskaha sajuza pryniała novyja sankcyi suprać Rasii ŭ adkaz na ŭvarvańnie va Ukrainu. Novyja miery ŭvodziać zabaronu na apieracyi z rasijskim zołatam, u tym liku ŭ vyhladzie kaštoŭnaściaŭ, i pašyrajuć śpis tavaraŭ, jakija mohuć być vykarystanyja Rasijaj u vajennaj i technałahičnaj śfierach.
21.07.2022 / 15:10
ES taksama zajaviŭ pra «rastłumačeńnie» i karekciroŭku niekatorych isnujučych sankcyj u śfierach, jakija tyčacca charčovaj i enierhietyčnaj biaśpieki, biaśpieki avijapieravozak i dostupu da pravasuddzia.
U pryvatnaści, zabarona na ŭzajemadziejańnie ź dziaržaŭnymi pradpryjemstvami budzie asłablenaja ŭ halinie pieravozak sielskahaspadarčych praduktaŭ i pastavak nafty ŭ trecija krainy.
«Ni adna ź mier, pryniatych siońnia abo raniej z-za dziejańniaŭ Rasii pa destabilizacyi situacyi va Ukrainie, nijak nie zakranaje handal sielskahaspadarčaj pradukcyjaj i ježaj, u tym liku pšanicaj i ŭhnajeńniami, pamiž trecimi krainami i Rasijaj», — padkreślili ŭ ES.