«Špijonski raman druhoha hatunku». Biełaruski aficyjoz pra dakład ICAO
Na dumku dyrektara Departamienta pa avijacyi Ministerstva transpartu i kamunikacyj Biełarusi Arcioma Sikorskaha, spravazdača ICAO pa incydencie z rejsam Ryanair nie vytrymlivaje nijakaj krytyki.
20.07.2022 / 16:40
Toj samy samalot Ryanair padčas pryziamleńnia ŭ Vilni 23 maja 2021 hoda. Fota: AP Photo/Mindaugas Kulbis
Sikorski nazvaŭ dakład mižnarodnaj kamisii ICAO «kateharyčna nieprymalnym». Pa jaho słovach, spravazdača «dyskredytuje ICAO jak mižnarodny techničny orhan, jaki zajmajecca hramadzianskaj avijacyjaj». A spravazdača nahadvaje «kryminalnaje čytvo — špijonski raman druhoha hatunku».
Sikorskaha aburaje, što ICAO «vieryć Polščy i ZŠA na słova», a ŭ jakaści supraćvahi spasłaŭsia na inšych aŭtarytetaŭ — rasijskich kaleh.
«My kateharyčna sa spravazdačaj nie pahadzilisia. Aficyjny pradstaŭnik RF, člen Rady ICAO, taksama nie pahadziŭsia z hetaj spravazdačaj, źviarnuŭ uvahu na šerah pamyłak, niedakładnaściaŭ, nieavijacyjnych, nieabjektyŭnych padychodaŭ», — zajaviŭ biełaruski čynoŭnik.