Były palitviazień Viktar Kuŭšynaŭ syšoŭ z PandaDoc i pracuje ŭ mižnarodnaj kampanii
Ciapier Viktar Kuŭšynaŭ pracuje CEO (hałoŭny vykanaŭčy dyrektar) mižnarodnaj kampanii SE Ranking, paviedamlaje sajt Dev.by.
19.07.2022 / 18:54
«Heta było vydatnaje dziesiacihadovaje padarožža ŭ PandaDoc. U jaho pačatku ja navat ujavić nie moh, što budzie dalej! Padarožža časam było ciažkim, ale zaŭsiody zachaplalnym i poŭnym vyklikaŭ», — skazaŭ Kuŭšynaŭ.
U 2020 hodzie jon byŭ zatrymany ŭ Minsku pavodle «spravy PandaDoc» i amal hod pravioŭ u SIZA. U žniŭni 2021 hoda jaho adpuścili biez suda.
SE Ranking, jakuju ŭznačaliŭ Kuŭšynaŭ, zajmajecca raspracoŭkaj płatformy dla analizu rynku internet-markietynhu. Na sajtie kampanii zhadvajucca ofisy ŭ Łondanie, Pała-Alta (ZŠA), Urocłavie i Kijevie. Mahčyma, u kampanii jość i ofis u Minsku: biełaruskaja NamviSoft pakazvaje płatformu SE Ranking jak adzin z kirunkaŭ svajoj pracy.