Va Ukrainie aryštavali try biełaruskija ciepłavozy, jakija padvozili rasijskija vojski
Słužba biaśpieki Ukrainy aryštavała try ciepłavozy Biełaruskaj čyhunki, jakija, jak śćviardžajecca, transpartavali akupacyjnyja rasijskija padraździaleńni. Aryjencirovačny košt zabłakavanaj majomaści składaje bolš za 70 młn hryŭniaŭ (kala 2,4 miljona dalaraŭ).
18.07.2022 / 17:45
Pavodle infarmacyi śledstva, łakamatyvy byli zadziejničanyja dla pieravozki asabovaha składu, uzbrajeńnia, vajskovaj techniki i srodkaŭ tyłavoha zabieśpiačeńnia zachopnikaŭ da paŭnočnych miežaŭ našaj krainy. U dalejšym jany brali ŭdzieł u bajavych dziejańniach suprać ukrainskich siłaŭ abarony na terytoryi Kijeŭskaj i Čarnihaŭskaj abłaściej.
Padčas śledča-apieratyŭnych dziejańniaŭ supracoŭniki SBU vyznačyli miescaznachodžańnie hetych ciepłavozaŭ na terytoryi Kijeŭskaj vobłaści i identyfikavali ich vykarystańnie ŭ złačynstvach suprać Ukrainy. Ciapier idzie pieradača hetych transpartnych srodkaŭ u rasparadžeńnie Nacyjanalnamu ahienctvu pa pytańniach vyjaŭleńnia, vyšuku i kiravańnia aktyvami, atrymanymi ad karupcyjnych i inšych złačynstvaŭ (ARMA).