Siońnia ICAO abmiarkuje situacyju z Ryanair
Siońnia Mižnarodnaja arhanizacyja hramadzianskaj avijacyi (ICAO) abmiarkuje spravazdaču pa rasśledavańni pasadki ŭ Minsku samalota Ryanair z Ramanam Pratasievičam na borcie.
18.07.2022 / 14:29
«Miarkujecca, što jon budzie ŭklučać novyja dokazy i pralje śviatło na vinavatych. My prosim ICAO apublikavać spravazdaču. Heta praduchilić paŭtareńnie padobnaha i dapamoža pryciahnuć vinavatych da adkaznaści», — paviedamiła Śviatłana Cichanoŭskaja.
Nahadajem, što bort Ryanair Afiny — Vilnia byŭ prymusova pasadžany ŭ Minsku 23 maja 2021 hoda. U vyniku byli zatrymanyja dva jaho pasažyry Raman Pratasievič i Safija Sapieha. Safija Sapieha praz hod była asudžanaja na šeść hadoŭ źniavoleńnia za administravańnie telehram-kanała «Čornaja kniha Biełarusi». Taksama ŭ vyniku ŭsie rejsy z bolšaści jeŭrapiejskich krain u Minsk byli skasavanyja.