U Słucku adšukali sukienku ź miemaŭ, pra koler jakoj spračaŭsia ŭvieś śviet. Jana nasamreč čorna-siniaja
Čytačka «Kurjera» sa Słucka padzialiłasia zdymkam sukienki, jakaja pradajecca ŭ adnym z sekand-chendaŭ Słucka. Heta taja samaja sukienka z fota, pra koler jakoj (siniaja z čornym ci biełaja z załatym) u 2015 hodzie spračaŭsia ŭvieś śviet.
17.07.2022 / 17:04
Fota sa słuckaha sekand-chendu (źleva) i fota ź miemaŭ
U «Vikipiedyi» navat jość artykuł pra fienomien sinie-čornaj sukienki.
Sinie-čornaja sukienka — internet-fienomien i miem, jaki ŭźnik paśla taho, jak 26 lutaha 2015 hoda ŭ sacyjalnaj sietcy Tumblr było apublikavana fota karunkavaj sukienki dyzajniera Roman Originals. Faktyčna adrazu zaviazałasia haračaja sprečka adnosna taho, jakoha koleru sukienka na fota: siniaja z čornymi pałoskami ci biełaja z załatymi. Paśla było vyśvietlena, što sukienka nasamreč siniaha i čornaha koleraŭ, adnak dyskusii adnosna taho, jakija kolery bačać roznyja karystalniki, praciahvalisia na mnohich forumach. Fienomienam zacikavilisia niejrabijołahi, jakija vyśvietlili, što pryčyna zaklučajecca ŭ aptyčnaj iluzii z-za niapravilnaj śviatłoaddačy, zbolšaha z-za taho, što zdymak byŭ apracavany.
Paśla taho jak fota stała papularnym, mnohija zacikavilisia nabyćciom takich sukienak, i ich prodaž pavialičyŭsia ŭ niekalki razoŭ. Voś adna i «dajechała» da Słucka.