Byłoha studenta asudzili da 6 hadoŭ kałonii za «stvareńnie virtualnaj knopki» na sajcie
U Bresckim abłasnym sudzie 12 lipienia vynieśli prysud 23-hadovamu palitźniavolenamu, byłomu studentu-prahramistu BrDTU Kanstancinu Rudnickamu, piša «Viasna». Sudzili jaho za saŭdzieł u stvareńni sajta «Čornaja karta akupantaŭ», stvareńnie na im «virtualnaj knopki».
15.07.2022 / 17:24
Spačatku chłopcu stavili ŭ vinu piać artykułaŭ Kryminalnaha kodeksa, ale ŭ pracesie prakuratura pierakvalifikavała jaho dziejańni na bolš surovy artykuł za dapamohu «Kibierpartyzanam»: na č. 6 art. 16 i č. 3 art. 203-1 (dapamoha ŭ niezakonnych dziejańniach ź piersanalnymi źviestkami) i č. 6 art. 16 dy č. 3 art. 130 (dapamoha ŭ raspalvańni varožaści) Kryminalnaha kodeksa.
U vyniku suddzia Kaciaryna Hruda pryznačyła palitviaźniu šeść hadoŭ kałonii va ŭmovach uzmocnienaha režymu i štraf u sto bazavych vieličyń (3200 rubloŭ).
Pad vartaj Kanstancin utrymlivajecca ŭžo siem miesiacaŭ.