Reźnikaŭ: Ukraina abaviazałasia nie prymianiać HIMARS pa terytoryi Rasii
Ukraina abaviazałasia nie vykarystoŭvać vysokadakładnuju amierykanskuju zbroju, uklučajučy HIMARS, pa abjektach na terytoryi Rasijskaj Fiederacyi. Pra heta kiraŭnik Minabarony Ukrainy Alaksiej Reźnikaŭ zajaviŭ u intervju BBC News Ukraina.
15.07.2022 / 15:59
Sistema HIMARS
Pa słovach ministra, adpaviednyja abaviazacielstvy jon prapisaŭ u liście svajmu amierykanskamu kalehu. U im Reźnikaŭ udakładniŭ, što Ukraina budzie vykarystoŭvać pastaŭlenuju zbroju dla strymlivańnia voraha i deakupacyi časova akupavanych terytoryj.
Da taho ž, Pientahon cikaviŭsia, ci budzie Kijeŭ prymianiać hetuju zbroju pa akupavanym Krymie.
«Ja skazaŭ, što ŭ nas dastatkova stratehičnych abjektaŭ na akupavanych rasijanami ŭkrainskich terytoryjach. Na što jon (kiraŭnik Pientahona Łojd Ościn) adkazaŭ: my ciabie zrazumieli», — raspavioŭ Reźnikaŭ.
Akramia taho, Ukraina viadzie pieramovy sa Złučanymi Štatami Amieryki adnosna dalnabojnych rakiet dla amierykanskich RSZA.