Масавыя затрыманні прайшлі ў Драгічыне, вядома пра як мінімум 10 чалавек
Берасцейскай «Вясне» стала вядома пра як мінімум 10 затрыманых учора ў Драгічыне. Магчыма, затрыманні працягваюцца і сёння.
14.07.2022 / 20:42
Калаж са скрыншотаў відэа з праўладных тэлеграм-каналаў
Узброеныя сілавікі ў цывільнай вопратцы правялі ў горадзе вобшукі і канфіскавалі знойдзеныя грашовыя сродкі. Тых, каго не засталі дома, шантажавалі праблемамі для родных. Некаторыя ўжо атрымалі прысуды ў выглядзе сутак і штрафаў.
Меркавана, сярод затрыманых — Малашыцкія Андрэй і Ірына.
Учора масавыя затрыманні прайшлі і ў суседнім райцэнтры Іванава.