Z Danieckaj vobłaści evakujavalisia 80% žycharoŭ
Pra evakuacyju z Danieckaj vobłaści pieravažnaj bolšaści žycharoŭ zajaviŭ u efiry nacyjanialnaha telemarafona kiraŭnik rehijona Paŭło Kirylenka.
11.07.2022 / 21:52
Pavodle słoŭ Kirylenki, na kantralavanaj Ukrainaj terytoryi vobłaści da vajny žyli 1,67 młn čałaviek, ciapier ža tam zastałosia tolki kala 340 tys. žycharoŭ. Prytym, pa słovach Kirylenki, evakuacyja praciahvajecca nadalej.
Uvohule ž u Danieckaj vobłaści da 2014 hoda, kali źjaviłasia samaabvieščanaja «DNR», žyło kala 4 młn čałaviek.
Apošnim časam ukrainskija ŭłady nastojliva zaklikajuć nasielnictva terytoryj, jakija ci ŭžo patrapili pad akupacyju, ci znachodziacca pad pahrozaj hetaha, evakujavacca lubymi sposabami, u tym liku i praz Rasiju dy akupavany Krym. Minimum na hetych terytoryjach mirnaha nasielnictva maje spraścić zadačy budučaj deakupacyi.