Staŭ viadomy matyŭ zabojstva premjer-ministra Japonii Sindza Abe
Tecuja Jamahami, jaki padazrajecca ŭ zabojstvie byłoha premjer-ministra Japonii Sindza Abe, patłumačyŭ svaje dziejańni pomstaj u adras relihijnaj hrupy, ad jakoj niby paciarpieła jaho siamja. Jon mierkavaŭ, što zabity mieŭ da jaje dačynieńnie. Ale ci heta tak, pakul nieviadoma.
09.07.2022 / 16:15
Pra heta piša «Mieduza» sa spasyłkaj na japonskija ŚMI. Zhodna z hetymi publikacyjami, Jamahami zajaviŭ śledčym, što ŭ jaho siamji pačalisia ciažkaści z-za ŭstupleńnia ŭ hetuju arhanizacyju i achviaravańni joj hrošaj. U artykułach zhadvajucca bankructva jaho maci i «raspad» jaho siamji.
Jamahami śćviardžaje, što ździejśniŭ złačynstva, pakolki ličyŭ Sindza Abe datyčnym da hetaj arhanizacyi, a nie z-za pretenzij da jaho palityčnaj dziejnaści. Jon taksama nibyta chacieŭ zabić inšuju vysokapastaŭlenuju asobu z hetaj arhanizacyi, ale admoviŭsia ad hetaha z-za składanaści.
Japonskija žurnalisty nie ŭdakładniajuć, ci jość danyja ab datyčnaści niabožčyka da jakoj-niebudź relihijnaj arhanizacyi.
Nazva hetaj arhanizacyi nie ŭzhadvajecca.
The Mainichi piša, što Jamahami padčas dopytu nibyta zrabiŭ niekalki «biessensoŭnych» zajaŭ, i śledstva maje namier acanić jaho psichičny stan.
Były premjer-ministr Japonii Sindza Abe byŭ śmiarotna paranieny ranicaj 8 lipienia ŭ horadzie Nara, dzie vystupaŭ na pieradvybarnym mitynhu. Jon pamior u balnicy, nie prychodziačy ŭ prytomnaść. Jamu było 67 hadoŭ.
Padazravany — 41-hadovy miascovy žychar Tecuja Jamahami — byŭ zatrymany na miescy złačynstva. Pra jaho viadoma, što ŭ 2000-ja hady jon słužyŭ u Marskich siłach samaabarony Japonii.