Litva płanuje vydavać adnarazovyja dazvoły na pravoz cemientu ŭ Kalininhrad
Za try dni da ŭniasieńnia rasijskaha cemientu i ałkaholu ŭ čorny śpis Jeŭrasajuza źjaviłasia novaja prapanova ab tym, jak možna zabiaśpiečyć Kalininhradskuju vobłaść paśla taho, jak tranzit hetych tavaraŭ praź Litvu budzie spynieny, paviedamlaje Delfi.lt.
07.07.2022 / 18:29
Fota: AP
Staršynia Kamiteta Siejma pa zamiežnych spravach Łajma Lucyja Andrykijenie pacvierdziła, što abmiarkoŭvajecca mahčymaść vydačy adnarazovych dazvołaŭ na pieravozku cemientu ŭ vyklučnych vypadkach.
«Kali raptam zdarycca deficyt dla spažyvańnia nasielnictva, naprykład, cemientu (sankcyi na cemient ustupiać u siłu z 10 lipienia), možna budzie dazvolić pieravozku cemientu, ale heta buduć razavyja dazvoły. Nijakich kvot ci čahości padobnaha być nie moža», — skazała jana partału.
«Takija dziejańni Jeŭrasajuza byli b łahičnyja i nie traktavalisia jak źmiakčeńnie sankcyj suprać Rasii, što zakryje vočy na praciahłuju vajnu Rasii suprać Ukrainy, źniščeńnie hramadzianskich abjektaŭ i nasielnictva. Rasija nie zasłuhoŭvaje nijakich sastupak», — zajaviła Andrykienie.
Pavodle jaje słoŭ, na hety momant «vidavočna pramy abo apasrodkavany cisk Rasii na Jeŭrasajuz i jaho instytuty, roŭna jak i cisk, jaki akazvajecca na krainy — členy ES».