Вялікабрытанія ўвядзе новыя санкцыі супраць Беларусі
Вялікабрытанія ўвядзе новыя эканамічныя, гандлёвыя і транспартныя санкцыі супраць Беларусі з-за расійскага ўварвання ва Украіну, паведамляецца на сайце брытанскага ўрада.
04.07.2022 / 19:47
Фота: Global Look Press
Новы пакет, пра які было абвешчана сёння, будзе ўключаць імпартны і экспартны бан на тавары, на суму каля 60 мільёнаў фунтаў, уключаючы экспарт тавараў нафтаперапрацоўкі, прасунутых тэхналогій і прадметаў раскошы.
Санкцыі таксама закрануць імпарт беларускага жалеза і сталі, а таксама забароняць большай колькасці беларускай кампаній выпускаць даўгавыя абавязальніцтвы і каштоўныя паперы ў Вялікабрытаніі.