Stali viadomyja padrabiaznaści incydentu z žyvym lebiedziem u bahažniku aŭto. Žyvadzioru pahražaje aryšt
Na dniach źjaviłasia videa, na jakim mužčyna zapichvaje lebiedzia ŭ bahažnik mašyny na rasijskich numarach. Jon kaža, što zrobić ź lebiedzia dalikates. Stali viadomyja padrabiaznaści.
03.07.2022 / 13:27
Videa było źniataje na miažy Hłybockaha i Połackaha rajonaŭ.
U milicejskich telehram-kanałach źjavilisia padrabiaznaści zdareńnia.
Na voziery Suja kala Połacka miesiac tamu adpačyvała kampanija: 33-hadovy mužčyna z Navapołacka vypiŭ i vyrašyŭ źniać videa. Jon uziaŭ ptušku za šyju i pasprabavaŭ pasadzić jaje ŭ bahažnik.
Ale tavaryšy spynili mužčynu. Ź lebiedziem usio dobra.
U sieradu adbudziecca sud nad mužčynam. Jamu pahražaje ad 20 bazavych da aryštu.