Brytanskaja raźviedka raskazała pra płany rasijan ab psieŭdarefierendumie ŭ Chiersonskaj vobłaści
Rasijanie zajavili, što płanujuć pravieści psieŭdarefierendum ab dałučeńni Chiersonskaj vobłaści da Rasii da vosieni 2022 hoda. Ź vialikaj imaviernaściu, Rasija budzie hatovaja sfalsifikavać «hałasavańnie», kab dasiahnuć prymalnaha vyniku. Pra heta paviedamiła Minabarony Brytanii ŭ Twitter.
03.07.2022 / 10:16
«Akupacyjnaja «ŭłada» zajaviła, što praviadzie psieŭdarefierendum ab dałučeńni Chiersonskaj vobłaści da Rasijskaj Fiederacyi da vosieni 2022 hoda. Rasija, imavierna, addaje pieravahu psieŭdakanstytucyjnamu hałasavańniu, sprabujučy ŭzakonić svoj kantrol nad rehijonam», — havorycca ŭ paviedamleńni.
Adznačajecca, što 28 červienia 2022 hoda mer Chiersona Ihar Kałychajeŭ byŭ zatrymany. Adnak na akupavanych terytoryjach praciahvajecca šyrokamaštabny ŭzbrojeny i mirny supraciŭ.
Chiersonščyna — heta vobłaść, jakaja ź lutaha trapiła pad rasijskuju akupacyju.