Za try «kaktejli Mołatava», kinutyja ŭ aŭtamabili ŭnutranych vojskaŭ, padpałkoŭniku z Baranavičaŭ prysudzili 12 hadoŭ kałonii
Sudom Baranavickaha rajona i Baranavičaŭ 23 červienia razhledžana kryminalnaja sprava ŭ adnosinach da piensijaniera Dźmitryja Niešty, jaki abvinavačvaŭsia ŭ niezakonnych dziejańniach z palaŭničaj ahniastrelnaj zbrojaj (č.1. art. 295-3 Kryminalnaha kodeksa) i akcie teraryzmu (č. 1 art. 289 Kryminalnaha kodeksa), paviedamlaje «Viasna».
02.07.2022 / 09:22
Dźmitryj Niešta
Spravu razhladała suddzia Juljana Ščerba.
Dźmitryj Niešta — vajskovy piensijanier, pracavaŭ u Baranavičach na 558-m avijaramontnym zavodzie.
Byŭ zatrymany ŭ kastryčniku 2021 hoda. Niadaŭna ŭklučany ŭ «śpis terarystaŭ» pa viersii KDB.
Pa materyjałach śledstva, abvinavačany Niešta 26 vieraśnia 2020 hoda, znachodziačysia ŭ haražy ŭ Baranavičach, vyrabiŭ try «kaktejli Mołatava».
Pavodle abvinavačvańnia, u metach akazańnia ŭździejańnia na vajskoŭcaŭ unutranych vojskaŭ MUS Respubliki Biełaruś adnoj z vajskovych častak, kab jany admovilisia dapamahać supracoŭnikam pravaachoŭnych orhanaŭ padčas padaŭleńnia pratestaŭ na terytoryi Baranavičaŭ, «dziejničajučy ahulnaniebiaśpiečnym sposabam», kinuŭ try zapalenyja «kaktejli Mołatava» ŭ aŭtamabili vajskoŭcaŭ. Pierakanaŭšysia, što jany ŭspychnuli, syšoŭ ź miesca zdareńnia.
Pa sukupnaści złačynstvaŭ abvinavačanamu pryznačana pakarańnie ŭ vyhladzie 12 hadoŭ pazbaŭleńnia voli va ŭmovach uzmocnienaha režymu.
Dźmitryj Niešta pazbaŭleny vajskovaha zvańnia «padpałkoŭnik».