Novy palityčny prysud na 15 hadoŭ. Hetym razam — hramadzianina Rasii
U Homielskim abłasnym sudzie 30 červienia byŭ ahučany prysud pa kryminalnaj spravie suprać 33-hadovaha miascovaha žychara Andreja Padniabiennaha. Jon maje rasijskaje hramadzianstva, ale z šaści hadoŭ žyvie ŭ Biełarusi i maje dazvoł na žycharstva, piša «Viasna».
30.06.2022 / 19:57
Andreja ŭ zakrytym režymie abvinavacili pa šerahu ciažkich artykułaŭ Kryminalnaha kodeksa Biełarusi: č. 1 art. 14 i č. 3 art. 218 (zamach na naŭmysnaje źniščeńnie albo paškodžańnie čužoj majomaści), č. 1 art. 361-1 (stvareńnie ekstremisckaha farmavańnia), č. 1 i č. 2 art. 289 (akt teraryzmu) za padpał mašyny načalnika Upraŭleńnia departamienta vykanańnia pakarańniaŭ, prakoł kołaŭ u 39 tralejbusaŭ, stvareńni i administravańni telehram-kanała i čata, jakija pryznali ekstremisckimi farmavańniami, a taksama padpale krana na budoŭli ŭ 2019 hodzie.
Suddzia Anatol Sotnikaŭ pryznačyŭ Andreju 15 hadoŭ kałonii va ŭmovach uzmocnienaha režymu.