Мінабароны Эстоніі заявіла, што Расія на вучэннях адпрацоўвае ракетныя ўдары па тэрыторыі краіны
Пра гэта міністр абароны Кусці Салм паведаміў фінскай газеце Iltalehti.
22.06.2022 / 15:15
Фота: Ekspress Meedia
Напярэдадні МЗС Эстоніі выклікала расійскага пасла Уладзіміра Ліпаева, каб выказаць пратэст у сувязі з парушэннем паветранай прасторы расійскім верталётам 18 чэрвеня. Паведамлялася, што ён знаходзіўся на тэрыторыі Эстоніі амаль дзве хвіліны.
Як адзначыў Салм, гэта не адзінкавы выпадак.
«Расійскія верталёты здзейснілі некалькі парушэнняў мяжы. Гаворка ідзе не пра караблі ў пяцьдзясят міль ад узбярэжжа ці пра самалёты, а пра верталёты. Верталёт выпадкова не перасякае мяжу», — сказаў ён.