Лукашэнка падпісаў указ аб надбаўцы да заробкаў медыкаў
Беларускія медыкі могуць разлічваць на павелічэнне заробкаў з 1 ліпеня. Падпісаны ўказ №206 ад 21 чэрвеня. Ён змяшчае даручэнне Савета міністраў.
21.06.2022 / 16:14
Міністэрства аховы здароўя ўжо падрыхтавала пастанову, якая прадугледжвае ўвядзенне з 1 ліпеня 2022 года новай дадатковай надбаўкі за працу ў сферы аховы здароўя. Яна будзе распаўсюджвацца на ўсе катэгорыі медыцынскіх работнікаў. Надбаўка будзе залежаць ад складанасці і інтэнсіўнасці выкананай працы.
Тыдзень таму міністр аховы здароўя Дзмітрый Піневіч ужо анансаваў змены ў аплаце працы медыкаў. Ён абяцаў, што заробкі павялічацца, аднак зазначыў, што гэта падарунак ад Лукашэнкі, які трэба адпрацаваць.