Такаеў адмовіўся ад расійскага ордэна Аляксандра Неўскага
Прэзідэнт Казахстана Касым-Жамарт Такаеў адмовіўся ад ордэна Аляксандра Неўскага, якім яго прапанавалі ўзнагародзіць расійскія ўлады 17 чэрвеня на Пецярбургскім эканамічным форуме.
18.06.2022 / 10:47
Фота: АР
Пра гэта паведаміў казахстанскі палітолаг Ербол Едзілаў, спасылаючыся на некалькі крыніц.
«Кіраўнік дзяржавы падзякаваў за аказаны гонар. Аднак, ім было прынята рашэнне да завяршэння яго прэзідэнцкіх паўнамоцтваў не прымаць ні айчынныя, ні замежныя ўзнагароды. Па гэтай жа прычыне ў час нядаўняга візіту ў Бішкек прэзідэнт адмовіўся ад найвышэйшага кыргызскага ордэна «Манас» першай ступені», — піша Едзілаў у тэлеграм-канале.
Учора Такаеў у Пецярбургу ў прысутнасці Пуціна адмовіўся прызнаваць «ДНР» і «ЛНР».