Mininfarm zaŭvažyŭ na Zachadzie «eroziju prava i tatalnuju sterylizacyju infarmacyjnaj prastory»
Ministerstva infarmacyi Biełarusi apublikavała ŭ svaim telehram-kanale aburany post pra adklučeńnie viaščańnia telekanała «Biełaruś-24» na spadarožniku Globecast.
10.06.2022 / 15:48
Budynak Ministerstva infarmacyi ŭ Minsku
«Ministerstva infarmacyi Biełarusi aburanaje adnabakovym rašeńniem kampanii Globesast ab adklučeńni telekanała «Biełaruś-24» ad spadarožnikavaha viaščańnia na šerah krain Jeŭrapiejskaha i Cichaakijanskaha rehijona», — napisali ŭ kanale.
Asabliva Mininfarm aburaje toje, što kampanija navat nie paviedamiła Biełteleradyjokampanii pra adklučeńnie, jakoje maje adbycca. U Ministerstvie nazvali heta «prajavaj erozii prava i tatalnaj sterylizacyi infarmacyjnaj prastory zachodnich krain».