U minskim bary naviedvalnik paciarpieŭ pry adkryćci šampanskaha šablaj
U adnym z baraŭ u Savieckim rajonie Minska kłijenty zamovili šampanskaje «z uračystym adkryćciom z dapamohaj dekaratyŭnaj šabli». U hetym bary była takaja pasłuha, i vierahodna, što akazvałasia da hetaha šmat razoŭ. Ale adzin raz usio pajšło pavodle niečakanaha scenaryja, paviedamlaje prakuratura.
09.06.2022 / 07:50
Zdymak ilustracyjny. Fota: winenews.it
Uvohule takaja pracedura — nie niejkaja aryhinalnaja samadziejnaść uładalnikaŭ bara. Taki sposab adkryćcia butelki z šampanskim, praz adbivańnie harłaviny butelki pry dapamozie šabli, raspaŭsiudžany ŭ śviecie i zaviecca sabraž.
Ale hetym razam praceduru praviali nieprafiesijna. Vierchniaja častka butelki, adkałoŭšysia i vylecieŭšy razam z korkam, patrapiła prosta ŭ kłijenta. U vyniku naviedvalnik bara atrymaŭ «lohkaje cialesnaje paškodžańnie ŭ vyhladzie rezanaj rany piaredniaj pavierchni hrudnoj kletki».
Prakuratura, rasśledavaŭšy situacyju, «vyjaviła parušeńni zakanadaŭstva ŭ biaśpiecy žyćciadziejnaści nasielnictva, jakija paciahnuli traŭmiravańnie hramadzian padčas znachodžańnia ŭ zabaŭlalnaj ustanovie».
Dyrektar bara atrymaŭ pradpisańnie likvidavać parušeńni, što i było im vykanana.