Bresckija ŭłady abvierhli čutki pra chaleru ŭ horadzie
Infarmacyja ŭ internecie pra nabližeńnie chalery ŭ Breście — fejk, zajaviŭ u Telehramie staršynia Bresckaha harvykankama Alaksandr Rahačuk.
08.06.2022 / 13:52
Vodazabieśpiačeńnie Bresta ažyćciaŭlajecca z 5 vodazaboraŭ KVUP «Brestvadakanał» i vodazaboru «Brest-Uschodni» Baranavickaj dystancyi vodazabieśpiačeńnia i sanitarna-techničnych pryład Bresckaha addzialeńnia Biełaruskaj čyhunki. Vodazabory znachodziacca pad achovaj, rehularna pravodzicca łabaratorny kantrol, pierad padačaj u raźmierkavalnuju sietku vada apracoŭvajecca na stancyjach vodapadrychtoŭki.
«Vypadkaŭ vyjaŭleńnia patahiennaj mikrafłory ŭ vadapravodnaj vadzie ŭ Breście nie zarehistravana. Z 1 červienia pa 1 vieraśnia daśledavańni vady ŭ vadajomach zon adpačynku buduć pravodzicca štotydzień na mikrabijałahičnyja pakazčyki, u tym liku na ŭzbudžalnikaŭ chalery. Epidemijałahičnaja situacyja pa chalery ŭ Breście spryjalnaja, vypadkaŭ zachvorvańnia nie zarehistravana», — paviedamlaje Rahačuk.
Patahiennaja mikrafłora taksama nie vyjaŭlenaja ŭ vadajomach u rekreacyjnych zonach.