Галоўны рабін Масквы з'ехаў з Расіі з-за патрабавання уладаў падтрымаць вайну ва Украіне
Рабін і яго сям'я з'ехалі з Расіі праз два тыдні пасля пачатку вайны.
08.06.2022 / 13:03
Галоўны рабін Масквы Пінхас Гольдшміт з'ехаў з Расіі пасля таго, як улады краіны запатрабавалі ад яго публічна падтрымаць вайну ва Украіне. Пра гэта паведаміла ў Твітары нявестка рабіна Авіталь Чыжык-Гольдшміт.
Рабін і яго сям'я з'ехалі з Расіі ў Венгрыю праз два тыдні пасля пачатку вайны.
«Цяпер яны знаходзяцца ў выгнанні з супольнасці, якую яны любілі, будавалі і ў якой выхоўвалі сваіх дзяцей больш за 33 гады», — напісала Чыжык-Гольдшміт.