Уладзімір Зяленскі абвясціў пра стварэнне «кнігі катаў»
Па яго словах гэта будзе інфармацыйная сістэма, у якой будуць сабраны пацверджаныя даныя аб ваенных злачынствах. Яе запуск запланаваны на наступны тыдзень.
08.06.2022 / 07:44
Фота: AP
«Я неаднаразова падкрэсліваў, што ўсе яны абавязкова панясуць адказнасць. І мы крок за крокам да гэтага набліжаемся.
«Кніга катаў» з'яўляецца адной з асноў не толькі адказнасці непасрэдных выканаўцаў ваенных злачынстваў — салдат акупацыйнай арміі, але і іх камандзіраў. Тых, хто аддаваў загады. Тых, хто зрабіў магчымым усё, што яны нарабілі ва Украіне. У Бучы, у Марыупалі, ва ўсіх нашых гарадах, ва ўсіх супольнасцях, да якіх дацягнуліся».