U siejmie Łatvii stvarajuć deputackuju hrupu «Za demakratyčnuju Biełaruś»
U siejmie Łatvii pryniali rašeńnie ab stvareńni deputackaj hrupy «Za demakratyčnuju Biełaruś», paviedamlaje kabiniet pradstaŭnikoŭ Śviatłany Cichanoŭskaj.
03.06.2022 / 18:12
Hetaja hrupa dazvolić abaraniać pravy biełarusaŭ u Łatvii, nie dapuskać ich dyskryminacyi i dapamahać ź lehalizacyjaj.
Pa słovach pradstaŭnika Śviatłany Cichanoŭskaj pa kanstytucyjnaj reformie i parłamienckim supracoŭnictvie Anatola Labiedźki, hrupa siabroŭ Biełarusi jašče na stadyi farmavańnia zrabiła niamała dla biełarusaŭ. Taksama dziakujučy joj 8-9 červienia adbudziecca rabočy vizit Śviatłany Cichanoŭskaj u Ryhu.