Skončyŭ žyćcio samahubstvam Uładzimir Krysionak, jaki ŭdzielničaŭ u zabastoŭcy na «Naftanie». Za tydzień da hetaha jaho zatrymlivali siłaviki
30 maja pajšoŭ z žyćcia Uładzimir Krysionak, apieratar 6-ha razradu vytvorčaści №3 AAT «Naftan». Jaho znajšli doma paviešanym, piša «Viasna».
01.06.2022 / 20:11
Uładzimir Krysionak
Uładzimir dałučyŭsia da ahulnanacyjanalnaj stački vosieńniu 2020 hoda. Jon byŭ kandydatam na pasadu staršyni Biełaruskaha niezaležnaha prafsajuza supracoŭnikaŭ «Naftan» u 2021 hodzie.
24 maja Uładzimir byŭ zatrymany pradstaŭnikami siłavych struktur (mierkavana, HUBAZiKa) i praz 72 hadziny vypuščany pad padpisku ab niavyjeździe.
Jak miarkujuć znajomyja Uładzimira, pryčynaj zatrymańnia mahła pasłužyć aktyvizacyja roznych siłavych struktur paśla niadaŭniaj publikacyi ŭ ŚMI videa, jakoje adlustroŭvaje žalu varty techničny stan ustanoŭki, na jakoj kaliści pracavaŭ Uładzimir.
Viadoma, što siłaviki pahražali jamu 12 hadami źniavoleńnia.
Siońnia Uładzimira pachavali.