Francuzskija haŭbicy «Caesar» užo słužać ukraincam
«Haŭbicy Caesar užo na pieradavoj. Našy artylerysty chutka avałodali novymi SAU, faktyčna za 2—3 hadziny « — napisaŭ hałoŭnakamandujučy USU Valeryj Załužny i apublikavaŭ zdymki.
25.05.2022 / 01:01
Pavodle słoŭ Załužnaha, Caesar — heta samachodnaja artyleryjskaja ŭstanoŭka novaha pakaleńnia. Jana daje mahčymaść nanosić udary pa praciŭniku na adlehłaści 20 km i bolš ad linii frontu z vysokaj dakładnaściu.
Na hetaj adlehłaści znachodziacca artyleryja, reziervy, punkty kiravańnia praciŭnika. Ich źniščeńnie źmianšaje nastupalny patencyjał voraha.
Prytym hetyja SAU — na kołavych šasi, što robić ich mabilnymi i manieŭranymi.
«Caesar zabiaśpiečvaje žyvučaść ekipažu i kamfortnyja ŭmovy pracy. Jon daje mahčymaść dziejničać pavodle pryncypu: ahoń-manieŭr-ahoń… Ščyra ŭdziačny partnioram za akazanuju dapamohu! Jana słužyć nabližeńniu našaj pieramohi», — padkreśliŭ hałoŭnakamandujučy USU.