Recept śniadanka ad šef-kuchara: butery ź jajkam i zialonaj cybulaj
Kuchar, jaki maje sotni tysiač padpisantaŭ, abiacaje, što hetyja sendvičy vas pryjemna ździviać.
25.05.2022 / 19:48
Fota. Wall Street Journal
Endzi Barahani byŭ šef-kucharam u niekalkich restaranach i maje bolš za trysta tysiačaŭ padpisantaŭ u adnym tolki Instahramie. Jon napisaŭ kulinarny biestseler «Kuchar, jakim ty chočaš stać».
Mužčyna raspavioŭ, što pačaŭ pracavać u 16 hadoŭ i što pieršaj jaho zadačaj było varyć jajki, stroha pa tajmiery, a paśla apuskać u ledzianuju vadu i łupić. Užo ŭ tym restaranie jon zrazumieŭ, nakolki pa-roznamu i ŭ roznych spałučeńniach možna padavać jajki.
Maestra padzialiŭsia prostym, ale cikavym receptam sendvičaŭ ź jajkami.
Čas na hatavańnie: 30 chvilinaŭ
Inhredyjenty:
- čatyry jajki,
- čatyry abo bolš ci mienš tonka narezanych pioraŭ cybuli,
- stałovaja łyžka padsmažanaha kunžutu,
- dźvie čajnyja łyžki rysavaha vocatu abo jahonych anałahaŭ, jakija lohka pryhatavać pa receptach ź interneta,
- čajnaha łyžka sojevaha sousu,
- drobka cukru,
- sol,
- čorny pierac,
- čverć kubku majanezu, pažadana, pravansal, jon huściejšy,
- stałovaja łyžka dyžonskaj, amierykanskaj abo inšaj nie nadta vostraj harčycy,
- čatyry toŭstyja łustački chleba (robim buterbrody dvajnymi, tak lahčej jeści).
Recept:
- Dastańcie jajki z chaładzilnika, kab jany nahrelisia da pakajovaj tempieratury, pierš čym ich hatavać, tady mienšaja imaviernaść, što jany tresnuć, kali ich varyš.
- Napoŭnicie siaredniaha pamieru kastrulu na try čverci vadoj i daviadzicie jaje da kipieńnia.
- Pakul vada zakipaje, u nievialikaj miscy źmiašajcie parezanuju zialonuju cybulu, nasieńnie kunžutu, vocat, sojevy sous, cukar, sol i pierac. Spodam łyžki trochi raściarycie cybulu ab ścienku miski, kab jana puściła sok. Adkładzicie.
- U inšaj nievialikaj miscy źmiašajcie majanez i harčycu. Zapraŭcie sollu.
- Napoŭnicie lodam abo ledzianoj vadoj. Nalicie dastatkova vady, kab jajki paśla byli całkam pahružanyja ŭ vadu. Padrychtujcie tajmier.
- Pamienšycie ahoń pad kastrulaj z kipieniem. Šumoŭkaj aściarožna apuścicie jajki ŭ vadu.
- Varycie roŭna vosiem chvilin, nie čapajučy.
- Paśla šumoŭkaj pierakładzicie jajki ŭ ledzianuju vadu i pakińcie na chvilinku.
- Adno za adnym dastańcie ź miski i trochu nadbicie kožnaje jajka łyžkaj, a paśla viarnicie ŭ ledzianuju vadu. Raźbivańnie škarłupiny i trymańnie jajek u ledzianoj vadzie dapamoža akuratnieńka addzialić škarłupinu ad jaječnych białkoŭ. Paśla chałodnaj vady ich lahčej łupić.
- Abłupicie jajki i narežcie ich upopierak kružočkami.
- Namažcie majanezam z harčycaj usie čatyry łustački chleba, paśla źvierchu na dva ź ich vykładzicie jajki.
- Łyžkaj pakładzicie sous ź zialonaj cybuli na jajki, a paśla zrabicie ź ich sendvičy.
- Dalej vy možacie razrezać hatovyja sendvičy napałovu, ale heta jak vam zručniej.