У Докшыцкім раёне ўтапілася двухгадовая дзяўчынка
Няшчасны выпадак адбыўся сёння днём у вёсцы Замасточча Докшыцкага раёна. Тут, як паведамляе Следчы камітэт, утапілася двухгадовая дзяўчынка.
18.05.2022 / 18:55
Фота: Следчы камітэт
Паводле папярэдніх звестак, дзяўчынка знаходзілася ў двары дома са сваякамі. Праз некаторы час яна знікла з-пад іх увагі.
Пасля дарослыя знайшлі яе ў вадаёме за домам. Дзіця спрабавалі выратаваць, але безвынікова. У чэрвені дзяўчынцы павінна было споўніцца два гады.